1954 entstand aus der Feder von Herbert Emmerich der Mälscher Fastnachtsschlager:

1. Kinner, mir sinn e mol widder so weit

s’sch Fastnachtszeit, s’isch Fastnachtszeit !

Die Grille und Sorje verschwinde im Nu

mir singe un schunkle dazu:

Refrain:

Nix wie in die Gurgel noi

de Letzenberger Sunneschoi

was brauche mir noch meh’

wie isch die Welt so schee!

2. Heiterkeit, lache un fröhlicher Mut

tut jedem gut, tut jedem gut !

Un schimpft mol die Alt’, weil du nix me hosch druff,

dann hol noch en Haffe voll ruff.

3. Briederlich, liederlich, närrisch wie nie

bis morje frieh, bis morje frieh !

O Jammer, o Jammer, wie siehsch du doch aus

bringsch du mir en Aff’ heit ens Haus.

4. Ärjert doi Fraa dich und schelt en oi Loch

dann los soe doch, dann los sie doch!

Hot g’nung sie gezetert, dann härt sie a uff

bis dort no hosch längscht du on druff.

5. Hosch du mol de Schnuppe un liegsch krank em Bett

dann jammer net, dann jammer net !

Trink Glihwoi soviel als die Kuddel verdrecht

dann isch dir’s a ball widda recht.

6. Wenn unser Pärche regiert frisch und frei

strömt alles bei, strömt alles bei !

Ob mit oder ohne, des isch uns ganz worscht

mir drinke dann vor lauda Doscht !

7. Narre, des sin halt die glücklichschte Leit

zur Fasnachtszeit, zur Fasnachtszeit !

Sie bringe vor Blödsinn sisch fascht halwa um

un drehe die Spiessbürja um.

8. Willsch Dribsal bloose, bleib liewa dehoom,

bleib jo dehoom, bleib jo dehoom!

Bei uns do herrscht Frohsinn un echter Humor

mir schunkle un singe im Chor.

9. Mälscha sen dorschtig von je her und froh

s’ war immer so, s’ war immer so!

ob Ruländer, Thurgau, ob Schilla ob Moscht

des schmeckt uns, drum sage mir: Proscht!

10. Oi mol do geht a die Fasnacht vorbei

o wie, o wie, o wie, o wei!

Im negschde Johr sen mia dann a widda doll

un drinke e Häffile voll.